Имотот со три спални соби семејството на Ненси го купила во 1921 година
Ненси „Џоан“ Гифорд е родена само неколку месеци по завршувањето на Првата светска војна, а во вторникот наполни 104 години. Иако не е најстарата жена на светот, Џоан дефинитивно може да се вброи во категоријата на оние кои го поминале својот живот под ист покрив.
Имено, оваа дама ја продава куќата во која се вселила кога имала само две години, пишува Daily Mail.
Семејството на Ненси го купило имотот со три спални во 1921 година за само 200 фунти, што е приближно 10.000 (околу 11.400 евра) денес. Еден век подоцна, куќата се проценува на 169.950 фунти (193.810 евра).
Нејзиниот син Џон (79) вели дека најдоброто детство го поминал во Сомерсет, Англија.
– Кога бев помал, имаше толку многу семејства овде покрај улицата и се познававме. Времето што го поминавме како деца беше фантастично, шетавме по полињата, пливавме во реката, гледавме како се гнездат птиците, толку многу работи што децата не ги прават денес. Сите бевме сиромашни, но среќни – заклучува тој.
What do you remember about the house you grew up in?
I love this!
Nancy “ Joan” Gifford is putting her 3 bedroom house up for sale in Somerset. Get this, she has lived in it for 102 years !
Joan is 104 today👌
I’d love to hear from you this morning for @BBCTees pic.twitter.com/W4peGJA167
— Neil Green (@greenyfrom6am) March 21, 2023
Според агентот за недвижности, куќата била изградена во 1882 година, а освен кујната и бојадисаните ѕидови, сè повеќе или помалку останало во првобитната состојба.
– Таа куќа мора да содржи многу спомени за Ненси и нејзиното семејство, но сега, повеќе од еден век подоцна, време е уште едно семејство да направи спомени – вели агентот.
Ненси ја продава својата куќа и планира да се пресели во дом за стари лица поради здравствени причини.
Фото: Принтскрин/Twitter