ekran платформа за слободоумни
Баба од Италија, Ада Занусо (104) станала симбол на надежта во напатената земја што се бори со пандемијата на коронавирус, откако ја победила болеста.
Бабата Ада, во своите 104. години, успеала да преживее две војни, но и да се бори против новиот коронавирус, со што станала една од најстарите лица во светот што го победи Ковид-19.
Родена е во 1916. година, а изминативе неколку години живеела во старечки дом во Лесона, во областа Бели, каде короната ги однела животите на корисниците на овие домови, пренесува Ла Република.
Biella, a 104 anni nonna Ada guarisce dal coronavirus: "Dopo due guerre ha superato anche la pandemia" https://t.co/ikzskBBy95
— la Repubblica (@repubblica) April 4, 2020
По потекло од Венето, во 1947. година со сопругот и првото од четирите деца се преселила во провинцијата Биела. И покрај тоа што секогаш била со генерално добро здравје и независна, пред неколку години откако го скршила колкот, таа морала да биде сместена во дом недалеку од својата куќа.
“Беше лошо во почетокот на март. Таа имаше треска и повраќаше. Не можев да ја најдам затоа што посетите беа забранети поради пандемијата, но можев да разговарам со неа секој ден. Се разбира, веднаш се сомневав дека може да биде коронавирус, затоа што веќе имаше неколку инфекции во старечкиот дом “, рекол нејзиниот син Џампиеро.
Сепак, на 17. март беа тестирани лица над 100 години, а неколку дена подоцна резултатот беше позитивен. Но, во тој момент, мајка ми беше во ред, веќе се опоравуваше “, рекол нејзиниот син. Парадоксално, кога дознала дека е заразена, таа веќе била на патот за закрепнување, откако ја надминала кризата од една недела.
Нејзиното закрепнување го потврдила лекарка задолжена за нега на стари лица.
„Таа веќе станува од кревет и седи на стол. Нејзиното закрепнување е голема радост и награда за сите што се грижеа за неа во овие тешки денови“, рекла таа.
