ekran платформа за слободоумни
„Морам да правам прегледи на секои шест месеци и ќе ми треба до крајот на годината за да се вратам во нормала, но денес е неверојатен ден и се чувствувам благословено“, напишал Марк Хопус
Американскиот музичар Марк Хоппус, басист и пејач на групата „Блинк-182“, сподели среќна вест со своите следбеници на Инстаграм. Повеќе нема рак.
-Само што бев кај мојот онколог и веќе немам рак! Фала му на Бога и универзумот, пријателите, семејството и сите што ми испратија поддршка, добрина и љубов. Морам да правам прегледи на секои шест месеци и ќе ми треба до крајот на годината за да се вратам во нормала, но денес е неверојатен ден и се чувствувам благословено, напишал музичарот.
Да потсетиме, Хопус кон средината на јули рече дека неговиот рак е во четврта фаза.
– Мојата крв се обидува да ме убие. Мојата класификација е дифузен Б-клеточен лимфом 4-А, што значи дека навлегол во четири делови од моето тело. Не знам точно како ја одредуваат нејзината пропорција, но навлезе во доволно делови од моето тело, така што ракот е во четврта фаза, што мислам дека е највисок степен, рече тој тогаш.
Фото: Архива
