ekran платформа за слободоумни
Димитар Аврамовски Пандилов е роден на 1 март 1899 година во с. Тресонче. Тој беше истакнат македонски уметник, претставник на импресионизмот и еден од основачите на ДЛУМ.
Завршил ликовна академија во Софија, 1924 година. Бил во Франција (Монпелје и Париз), каде што меѓу другото работел и на академијата „Гранд Шомјер“ (1928).
Самостојно излагал (од 1926 год.) во Ќуприја, Скопје, Софија. Излагал на повеќе групни изложби во Софија и во Југославија; меѓу другото на повеќе тематски и претставителни изложби на македонската уметност.
Пандилов е претставник на жанрот битово сликарство со неговите дела што го обработуваат народниот живот и битот на македонскиот народ.
Негови најпознати дела се:
- „Покрај вода“ (1925)
- „Жетварки“ (1926)
- „Акт“ (1928)
- „Вршидба“ (1936)
- „Жетварки“ (1936)
- „Товарен воз“ (1950)
- „Вршидба“ (1951)
- „Жетва“ (1954)
- „Режење на афион“ (1959)
- „Невести на чешма“
Загинал во Скопскиот земјотрес на 26 јули 1963 година.
