ekran платформа за слободоумни
Познатиот актер Бред Пит наскоро ќе влезе во кокпитот на вистински тркачки автомобил за неговиот претстоен филм за Формула 1, тврдат режисерот Џозеф Косински и продуцентот Џери Брукхајмер.
За време на панелот за сè уште ненасловениот филм за Формула 1, Косински и Брукхајмер открија детали за производството на филмот на Apple Studios со Пит во главната улога. Еден од продуцентите ќе биде седумкратниот шампион во Формула 1, Луис Хамилтон, пренесува Variety. Снимањето ќе се одвива на Силверстоун, патеката на која се одржува Големата награда на Британија. Оваа година трката ќе се одржи на 9 јули.
📰: Brad Pitt is set to join the F1 grid at Silverstone, driving a real F1 car alongside the other 20 drivers. Jerry Bruckheimer and Joseph Kosinski are creating an 11th team to film on-track scenes for their upcoming F1 movie, using a Mercedes-designed car that's already being… pic.twitter.com/NoBP3DdRQP
— F1 Naija 🇳🇬 (@f1_naija) May 4, 2023
Модераторот на панелот Вил Бакстон рече дека филмската екипа ја создала „најмалата 6К камера некогаш дизајнирана да ги одведе гледачите во кокпитот“ каде што ѕвездите од филмот ќе возат вистински тркачки автомобили. „Точно е. Бред Пит ќе вози Ф1 болид од Силверстоун натаму“, додал Бакстон. ESPN F1 ја потврди веста преку твит, кој во меѓувреме го избриша. Variety дознава дека Пит нема да се трка со други возачи на патеката и најверојатно ќе вози модифицирана верзија на јуниорски Ф2 или Ф3 болид.
Бакстон исто така сподели дека тркачкиот автомобил користен во филмот е дизајниран од Мерцедес, а Луис Хамилтон дава совети за приказната и сценариото за да се увери дека ова е најавтентичниот филм за трки со автомобили досега.
Brad Pitt in an f1 car pic.twitter.com/mx7UD7Cazm
— mercedesamgf1motorsport (@MercedesF1Sport) May 5, 2023
Според официјалниот синопсис на филмот, Пит глуми возач кој се враќа од пензија за да се натпреварува заедно со дебитант против еден од титаните на спортот. Во него глуми Демсон Идрис, а сценариото е напишано од Ерен Кругер, ко-сценарист на „Топ Ган: Маверик“. Меѓу продуцентите се Хамилтон, Косински, Брукхајмер и Чад Оман од Џери Брукхајмер Филмс и продуцентската куќа на Пит, План Б Ентертејмент. Извршен продуцент е Пени Тоу.
Фото: Принтскрин/
