ekran платформа за слободоумни
Многумина со носталгија се сеќаваат на времето кога живееле во поранешната заедничка земја – Југославија. Повеќето луѓе зборуваат за овој период со суперлатив, дури и кога станува збор за некои „сиромашни“ работи според денешните стандарди.
Многумина ќе се сетат на некои стари јадења кои многу често беа на трпезите на домаќинствата во Југославија. Бидејќи за нивната подготовка не се потребни многу намирници, туку само најосновните, ги нарекуваме „сиромашни“.
Ограничениот избор на прехранбени производи или скромните куќни буџети се причината поради која овие јадења биле дел од секојдневието на југословенските семејства. Сепак, иако овие јадења беа „сиромашни“, тие беа вкусни и многумина ги паметат со задоволство. Во продолжение ви пренесуваме неколку јадења кои во минатото често биле на трпеза.
Варени компири со лушпа
Компирите варени со лушпи се едно од јадењата кои често се подготвувале во минатото. За овој оброк ви требаат само 15 до 20 минути за да ги сварите компирите во вода. Многу луѓе ги јаделе овие компири со сирење, павлака или кајмак. Ова јадење се подготвува и денес, но многу поретко од порано.
Печени компири со лушпа
Друго јадење кое во минатото често се наоѓало на трпезата е неизлупениот печен компир. Ова јадење најчесто се подготвувало во зима, а се јадело и со сирење, кајмак или павлака.
Леб надробен во јогурт или млеко
Лебот никогаш не се фрлал, а за да се користи дури и кога ќе остарел, се јадел надробен во млеко или јогурт. Ова јадење особено го сакале децата, а се правел за појадок или вечера.
Пржени лепчиња
Порано генерации растеа со пржен леб, леб „натопен“ во матени јајца и пржен во тавче. На овој начин, домаќинките го зачувале и стариот леб од фрлање и му го продолжиле векот на употреба.
Супа од компир или зелка
Супа од компир или зелка без месо или со минимална количина на месо е јадење кое исто така често се наоѓало на менито во домаќинствата од поранешна Југославија. Ова јадење лесно се подготвува, а потребни ви се компири или зелка, малку масло, зеленчук и зачини.
