ekran платформа за слободоумни
Анџелина Џоли, наводно, добила многу документи од ФБИ кои го истражуваат наводниот авионски инцидент меѓу неа и Бред Пит. Холивудската дива (47) го побарала извештајот за да добие „правна заштита“ од нејзиниот поранешен сопруг (59), објави Daily Mail.
Според британскиот таблоид, извештајот за кавгата, која наводно довела до еден од најпознатите холивудски разводи, е на повеќе од 100 страници. Џоли го добила по судски спор претходно овој месец. Останатите документи се очекува да ги добие на крајот на јануари.
Конфликтот за старателството над децата се уште трае
Поранешните сопружници се уште не успеале да се договорат за старателството на нивните шест деца. И’ покрај тоа што двајцата најстари, Медокс и Пакс, веќе не се малолетни, тие се расправаат кој ќе ги одгледа Захара (17), Шајло (16) и Вивиен и Нокс (14).
Да потсетиме, Анџелина Џоли поднесе противтужба против Бред Пит во која упати сериозни обвинувања против нејзиниот поранешен сопруг. Таа детално го опишала она што го навела како злоупотреба во приватен авион во 2016 година. Портпаролот на Пит за Си-Ен-Ен изјавил дека наводите се „целосно лажни и дека Анџелина користи лаги за да ги сврти децата и јавноста против нивниот татко“.
Фото: Архива
