Американскиот извештај за потеклото на короната веќе не е тајна: Ковид не е биолошко оружје!? Но, има умерени сомневања!

Канцеларијата на американскиот директор на Националната разузнавачка служба (ODNI) вчера објави нова проценка на разузнавачката заедница, од која е отстранета тајната ознака, за потеклото на ковид-19, а во извештајот се проценува дека коронавирусот не е развиен како биолошко оружје.
Природното потекло и истекувањето од лабораторијата се убедливи хипотези за тоа како Ковид-19 заразил луѓе за прв пат, но аналитичарите не успеваат да се договорат за тоа што е поверојатно и дали воопшто може да се направи конечна проценка, се вели во извештајот на ODNI.
Во извештајот, исто така, се отфрлаат индициите дека коронавирусот настанал како биолошко оружје и се наведува дека поборниците на оваа теорија „немаат директен пристап до Институтот за вирологија во Вухан“ па се обвинети за ширење дезинформации.

Извештајот е производ на 90-дневниот преглед објавен од администрацијата на американскиот претседател Џо Бајден во август, во услови на интензивна политичка контроверзија околу тоа дали и до кој степен Кина треба да се обвини за глобалната пандемија, или владите кои можеби не реагирале доволно брзо на ги штитат граѓаните во своите земји.
Во извештајот на ODNI се наведува дека четири американски разузнавачки агенции и тело што обединува неколку агенции имаат „ниско ниво на доверба“ дека Ковид-19 потекнува од заразено животно или поврзан вирус.
Но, една агенција рекла дека има „умерена доверба“ дека првата човечка инфекција со Ковид-19 најверојатно била резултат на лабораториска несреќа, која веројатно вклучувала експериментирање со животни во Институтот за вирологија во Вухан.

Американските разузнавачки агенции веруваат дека нема да можат да дадат попрецизно објаснување за потеклото на ковид-19 без нови информации кои укажуваат дека вирусот поминал специфичен пат од животните до луѓето или дека лабораторија во Вухан работела на вирусот или сроден вирус пред да настане Ковид 19.
Во извештајот се наведува дека на американските агенции и на глобалната научна заедница им недостасуваат „клинички примероци или целосно разбирање на епидемиолошките податоци од најраните случаи на ковид-19“, така што овој контроверзен извештај би можел да се преиспита доколку се појават повеќе докази.
Кина се соочи со меѓународни критики дека не соработува поактивно во истрагите за потеклото на актуелниот коронавирус.