Според анкетата на порталот LADBible, актерот Даниел Крег е прогласен за најдобар Џемс Бонд досега. Во анкетата, Крег „се борел“ со легендарните актери кои го играле агентот 007, но на крајот,со повеќе од 18.000 гласови повеќе победил во анкетата.
Крег на тој начин ја победил конкуренцијата со 51 процент од гласовите, оставајќи ги Шон Конери (23,9 проценти), Пирс Броснан (16,6 проценти) и Роџер Мур (8,5 проценти) зад него.
Во претходните фази на гласање, Тимоти Далтон брзо испаднал со 3,7 проценти од гласовите, а актерот Џорџ Лазенбај со само 1,5 проценти.
Кога ќе ставите на гласање толку одлични актерски имиња и легендарниот агент, јасно е дека фановите и покрај резултатите, ќе се скараат во коментарите за резултатите.
„Крег не беше дораснат на чизмите на Броснан. Конери, сепак, е едноставно најдобриот Бонд“, заклучил еден обожавател.