Адвокат од Мајами нашол начин да ги предупреди луѓето да одржуваат социјална дистанца на плажите низ Флорида кои повторно се отвораат, иако пандемијата КОВИД-19 сè уште не поминала.
Даниел Jулфелдер го прави ова облечен како смрт со коса во раката и седи на високите столчиња за чуварите на плажа, а како што вели, од 1. мај ќе го прави тоа редовно, затоа што мерките на претпазливост му даваат простор да ги потсети луѓето за опасноста и важноста од одржување на социјална дистанца. .
Тој исто така најавил дека ќе патува на сите плажи по бреговите на Флорида.
Неговиот застрашувачки изглед може да изгледа, како што велат многу американски медиуми, како Ноќта на вештерките да пристигнала премногу рано, но она што го прави адвокатот во Мајами треба да го спречи ширење на вирусот.
“Многумина ме прашаа дали сум спремен да патувам низ цела Флорида облечен како смрт (во црна наметка со голема капа и коса во мојата рака). На крајот на краиштата, сметам дека плажите и другите делови на градовите се отвораат премногу брзо”, напиша Jулфелдер на Твитер, со својата духовита слика која покажува дека смртта демне на плажа, ако не се следат мерките.
Many of you have asked if I am willing to travel around Florida wearing Grim Reaper attire to the beaches and other areas of the state opening up prematurely. The answer is absolutely yes. Beginning May 1 we will hit the road here in state. Please retweet and spread the word. pic.twitter.com/UO7QKg161n
— Daniel Uhlfelder (@DWUhlfelderLaw) April 22, 2020
Адвокатот смета дека ова е вистинскиот начин да ги предупредат луѓето дека опасноста сè уште не поминала.
Првпат се појави во Jексонвил кон средината на април кога се отворила плажата и илјадници луѓе се упатиле кон океанот.
Со одлука на властите на Флорида, плажата била отворена за рекреација, риболов, пливање, трчање, но не и за сончање и лежење на песок.
Знакот дека плажата била отворена премногу рано, укажува и на фактот дека тоа бил ден кога Флорида имала најголем број заразени лица од почетокот на епидемијата – 1.420.
Флорида е осма најранлива држава во Соединетите држави со 33.119 позитивни, од кои 5.419 се наоѓаат во болници, а 1.218 починале од корона вирус.