ekran платформа за слободоумни
Најтежок дел од секој љубовен однос е раскинувањето, дури ако и сами сте го иницирале
Љубовта е се, само не едноставна.
Но, најтежок дел од секој љубовен однос секако е прекинувањето, дури ако и самите сте го иницирале. Кога говориме за него, често прво помислуваме на неверство, голема кавга или предавство, но често го занемаруваме фактот дека на некои љубови крајот им доаѓа многу помирно.
Денес ви донесуваме 5 најчести причини зошто луѓето раскинуваат со партнерите кои сеуште ги сакаат.
1.Осаменост
Понекогаш е толку лесно да се биде во пар, но да се чувствувате осамено. Осаменоста е поврзана со занемарувањето, а штом тоа една страна ќе почне да го прави, другата почнува да се чувстува лошо, а потоа и да се инаети па ако не сакате прекинување обрнете внимание на однесувањето и знаците на партнерот, кои би можеле да упатуваат на тоа дека тој е несреќен.
2. Предвидливост
Иако делува како наивна причина, предвидливоста и тоа како може да влијае на здодевност во врската. Колку и да сте заедно, водете сметка за тоа и понатаму да се изненадувате, да испробувате нови работи, одите на состаноци и слично, за да не упаднете во рутина од која некои парови често не се извлекуваат.
3. Посакуваност
Кога станува збор за вашиот интимен живот воопшто не земајте го здраво за готово. Негувајте го и освежувајте на разни начини и потрудете се страста да биде секогаш разгорена.
4. Големи промени
Промените можат да бидат разни, а оние големите и интензивни, можат засекогаш да го променат вашиот живот, но и животот на вашиот партнер. Некои луѓе знаат да се справат со нив, бидејќи знаат искрено да разговараат, но некои не знаат па често се повлекуваат во себе или почнуваат погрешно да се однесуваат и така почнуваат да го одбиваат партнерот. Што и да е во прашање, вашиот партнер мора да ве поддржува и турка напред, а не спротивно.
5. Лоша комуникација
Не ги туркајте своите проблеми под тепих кога ќе се појават, искрено разговарајте за нив. Во спротивно, тие само ќе се таложат, до точка на притисок која едноставно нема да можете да ја поднесете, а потоа одеднаш ќе пукнете и можеби и донесете одлуки поради кои подоцна и тоа како ќе зажалите.
