ekran платформа за слободоумни
УХМР од понеделник најави сончево време со повторен пораст на температурата.
По утрешниот ден со максимални 34 степени, следува зголемување на температурата до 39 степени, особено кон крајот на неделата. УВ индексот повторно ќе биде 9.
Повисоки температури ќе има од средината на работната недела кога и облачноста краткотрајно ќе се зголемува. Особено топло ќе биде на југоистокот.
Температурите ќе се движат од минимални 11 до 34 степени, во вторник од 10 до 36, а од среда до петок од 12 до 39 степени.
Топол африкански бран се очекува да ја погоди Македонија, но ќе биде со помал интензитет.
Исто така се очекува повторно локална нестабилност и тоа особено на север и на исток од државава каде се можни и нешто поинтензивни атмосферски процеси. Според најновите анализи некаде од 10-ти август Македонија би можела да биде зафатена од најсилниот топол бран ова лето кога во централните и во југоисточните предели максималните дневни температури би се искачиле дури и до околу 43 – 44 степени.
