ekran платформа за слободоумни
Младиот Британец, Луис Робертс (18) од Лик во Стафордшир, бил прогласен за мртов по тешка сообраќајна несреќа, сепак, кога лекарите биле подготвени да го исклучат од апаратите, тој започна да дише самостојно!
Робертс бил удрен од комбе на 13. март и претрпел катастрофални повреди на главата. Четири дена подоцна, на семејството во болницата им било кажано дека не останува надеж и дека треба да се збогуваат од него. Бил прогласен за мртов и за тоа биле информиран дури и судијата.
Семејството одлучило да ги донираат неговите органи, благодарение на што 7. лица ќе можеле да ја добијат потребната помош. Сепак, само неколку часа пред да биде исклучен од апаратите, тинејџерот трепнал и започнал самостојно да дише.
Неговата сестра Џејд Робертс снимила видео покрај неговиот болнички кревет, а на машината можело да се види дека го следи дишењето на Луис.
“Еден, два три – диши! Ти велам, Луис, ти си супер”, му порачала таа на својот брат.
Фото: Принтскрин/Facebook
