ekran платформа за слободоумни
Луна Фенер, шестмесечно девојче родено со голем темен белег на лицето, потсетувајќи на маска од Бетмен, е оперирана успешно, но ја чекаат уште многу операции. Мајката на девојчето, Керол Фенер (36) сега за прв пат откри зошто одлучила нејзината ќерка да биде подложена на операции и со своето дете од Флорида да оди во далечната Русија.
„Бевме во црква и жената до нас и рече на својата ќерка да не ја гледа Луна затоа што е чудовиште. Тој ден решив дека ќе ја оперираме“, ввели искрената мајка.
Таа и нејзиниот сопруг Тиаго потоа отишле во потрага по лекари кои би можеле да и помогнат на малечката Луна. Тие побарале помош каде и да можат, дури и преку Интернет.
Инаку, ваквите операции во САД чинат околу 500.000 американски долари и не се опфатени со здравствено осигурување. Покрај тоа, лузните ќе останат на лицето на детето.
Керол за Луна рекла дека е „прекрасно бебе“ затоа што долго време се обидувала да остане бремена. Сепак, сега морала да најде решение за нејзината ќерка да има нормален живот.
„Отидов во Бостон, Чикаго и Њујорк обидувајќи се да најдам решение за неа“ ,вели Керол.
Еден ден, еден руски лекар ја видел Луна на Интернет и ја контактирал Керол. Тој ги покажа резултатите од претходните операции на пациенти и Керол и Тиаго на крајот решиле да заминат во Русија со Луна за многу помалку агресивни процедури и осум операции наместо 80. колку би ги имала во САД.
