Американката Елизабет Шнајдер на домашна забава добила коронавирус, а за CNN одлучила да ја сподели својата приказна за да ги предупреди другите да бидат повнимателни.
„Верувам дека се заразив на домашна забава. Таа забава се одржа во сабота на 22. февруари. Три дена подоцна почнав лошо да се чувствувам, уморно, чувствував болки во телото, имав главоболка, чувствував треска. Мислев дека сум само уморна бидејќи бев излезена преку викенд. Малку заспав, а кога се разбудив имав температура, малку повеќе од 38. степени. До вечер се крена на 39,5“, раскажала Елизабет.
"I didn't think too much of it. I thought maybe I was just a little tired," says Elizabeth Schnedier, who tested positive for coronavirus.
"I went and took a nap. When I woke up I had a 101 degree fever, and by the time I went to bed it had soared to 103," she tells @ErinBurnett. pic.twitter.com/D81qVyDuGl
— OutFrontCNN (@OutFrontCNN) March 13, 2020
Вели дека тоа ниту на крај на памет не и било дека би можело да станува збор за коронавирус бидејќи немала симптоми за кои најмногу се зборувало. „Не кашлав, немав никакви респираторни проблеми, не чувствував проблеми во градите ниту имав кус здив“, објаснила.
Од десетина луѓе кои биле на забавата баш сите се разболеле истиот ден и некаде во исто време, објаснила Елизабет и додала дека тогаш сфатила дека би можело да станува збор за нешто многу посериозно, односно за коронавирус.
Вели дека болеста траела помеѓу 10 – 16 дена а дека некои имале и симптоми како проблеми со столицата или мачнини.
Елизабет тврди дека голем проблем е што тестирањето не е достапно на голем број луѓе поради што многумина симптомите ги припишуваат на настинка или некоја друга болест.
„Се надевам дека мојата приказна ќе помогне некој да не се разболи или некои ќе поттикне да се тестираат пред да се разболат повеќе и заразат некои други“, заклучила во својата објава на Фејсбук профилот каде исто така ја споделила својата приказна.