ekran платформа за слободоумни
ПРИНЦЕЗАТА Мако, внуката на јапонскиот император, се омажи во вторникот по долгогодишни контроверзии околу нејзината заедница со вереникот Кеи Комур, но таа се откажа и од традиционалните ритуали и значителен финансиски надомест.
Јапонската телевизија ја прикажа Мако како ја напушта царската резиденција на Акасака во Токио и се збогува со семејството, им се поклонува на родителите и ја гушка сестра си. На почетокот на овој месец, царската институција појасни дека свадбената церемонија, приемниот банкет и другите ритуали нема да се одржатм како и дека нема да и биде даден паушалот што обично им се дава на жените од царското домаќинство кои се мажат за обичните луѓе, во износ од 1,2 милиони евра.
Внуката на императорот Нарухито, која викендов наполни 30 години, ја загуби својата кралска титула кога таа и Кеи Комуро го регистрираа својот брак, вообичаена ситуација за жените од лозата, но таа е прва во историјата на повоена Јапонија на која не и е дадена компензацијата.
Ќерката на помладиот брат на императорот Нарухито со години трпеше критики и одолговлекување во врска со нејзиниот брачен план со, исто така, 30-годишниот Кеи Комуро, кој бил нападната поради тврдењата дека нејзината мајка позајмила пари од нејзиниот вереник и одбила да му ги врати. Оваа кавга, која сè уште не е разрешена, предизвикала скандал во Јапонија, каде се очекува беспрекорно однесување на членовите на царското семејство. Свадбата потоа била одложена, а Кеи Комуро се преселил во САД во 2018. година за да ги продолжи студиите по право.
Фото: Принтскрин/Instagram
