ekran платформа за слободоумни
Според објавените снимки, истражувачки тим од Центарот за фосили од ‘рбетници на Универзитетот Мансура открил нов фосил од диносаурус стар дури 98 милиони години во Египет.
Фосилот бил опкружен со песок во оазата Бахарија, а истражувањето спроведено на него покажало дека станува збор за огромен месојаден диносаурус кој припаѓа на семејството „Abelisauridae“, именуван во чест на аргентинскиот научник Роберто Абел, кој ги открил првите фосили на ова семејство во 1985 година.
Хешам Салам, водачот на истражувачкиот тим кој работел на оваа студија, бара други фосили од истиот вид, што укажува на можноста за пронаоѓање други остатоци во областа Бахариа Оаза.
– Херој на нашата приказна е д-р Билал Салем, кој ги проучувал фосилите повеќе од 3. години, од самиот почеток, подготвувајќи го примерокот, чистејќи го, споредувајќи го и детално анатомски опишувајќи го додека не се добијат резултатите – рекол Хешам Салам, водачот на истражувачкиот тим.
Процесот на откривање и документирање на фосилот траел повеќе од 3. години бидејќи бил покриен со блокови од песок. Водачот на истражувачкиот тим верува дека овие фосили би можеле да помогнат да се разбере што се случувало на планетата во минатото, како и климатските промени кои се случиле и довеле до исчезнување на диносаурусите.
Фото: Принтскрин/YouTube
