Седум милиони жители на австралиската држава Викторија влегуваат во нова, четврта блокада од четвртокот вечерта откако вирусот започна повторно да се шири.
Бројот на заразени лица, преку ноќ, двојно се зголемил. За главни виновници за ширењето на инфекцијата се сметаат бавната вакцинација на населението и ширењето на вирусот и покрај хотелскиот карантин.
Премиерот на Викторија Џејмс Мерлино пред новинарите во Мелбурн изјавил дека од полноќ на граѓаните ќе им биде дозволено да ја напуштат куќата само за итни обврски, одење на лекар, шопинг и рекреација. И’ училиштата и верските институции ќе бидат затворени. Затворањето е воведено за период од седум дена.
„Последниот ден видовме докази дека станува збор за исклучително заразен вид на коронавирус, варијанта која е загрижувачка и се шири побрзо отколку што забележавме порано“, рекол Мерлино.
'It's begun': Panic-buying and 'toilet paper wars' ensue as Victoria braces for lockdown https://t.co/SFomf2PgJs
— Newshub (@NewshubNZ) May 27, 2021
Индиски вид
Тоа е сојот B1617, кој за прв пат беше идентификуван во Индија. Вирусот го донел во Викторија повратник од странство, кој бил негативен во карантинот во Јужна Австралија. Завршил 14-дневен карантин, кој патниците во Австралија мора да го извршат. Шест дена по враќањето во Мелбурн добил симптоми и бил тестиран.
Ограничен број луѓе ќе смеат да се собираат во јавноста и во домаќинствата, а во вторникот тие ја вратија обврската да носат заштитни маски. Многу жители се упатиле кон супермаркетите за да ги снабдат домаќинствата со потребните намирници пред новото заклучување, а доста од нив влегле во автомобилите и побегнале во Сиднеј.