Титулата најубаво лице на светот за 2022 година ја заработила американската манекенка Јасмин Тукс, позната по работата за Victoria’s Secret .
Од 1990 година, платформата TC Candler и комисијата од независни критичари составуваат листа на 100 најдобри лица на годината, а поранешниот ангел на Victoria’s Secret , Јасмин Тукс е прогласена за најубава за изминатата година.
31-годишната Американка – која неодамна објави дека е бремена – се избори со конкуренцијата на некои од најпрепознатливите лица во Холивуд за да го освои првото место.
View this post on Instagram
Малку е веројатно дека ќе ги препознаете сите топ 100, сепак, има некои прилично познати имиња. На 12-то место е поранешната актерка и Мис Израел, Гал Гадот, која се најде на листата по 12-ти пат.
Ана де Армас – која неодамна ја играше Мерлин Монро во „Blonde” – беше рангирана на 27 место во нејзината деветта година на листата.
Пејачката Дуа Липа за прв пат се појави на листата на 56-то место, додека ѕвездата на „Еуфорија“, Сиднеј Свини е исто така ново лице на 60-то место.
Ѕвездата на „Игра на тронови“ Емилија Кларк ја зазеде 83-та позиција во нејзината 12-та година на листата, а Аријана Гранде се најде на 85-тото место во седмата година на листата.
Интересно е што на листата се најде и хрватската фудбалерка Ана Марија Марковиќ која се најде на 94. позиција.
Се наведува дека листата е избрана врз основа на 160.000 лица на луѓе од 50 земји во светот и дека не се работи само за најзгодните или најпознатите личности од светот на шоубизот.
Фото: Принтскрин/Instagram