ekran платформа за слободоумни
ДЕЈВИД ФИШВИК е милионер кој се одлучил на необичен потег со цел да ги мотивира своите деца да работат, пишува Daily Star. 51-годишниот Британец имал скромни почетоци, не го завршил училиштето и се вработил како градежен работник.
Почнал да заработува со основање компанија која продавала минибуси, а своето богатство го стекнал по финансиската криза во 2008 година кога основал сопствена банка за да им помогне на локалните бизниси да напредуваат, а неговата приказна била претворена во серијата на Нетфликс „Bank of Dave“ (Банката на Дејв).
Just been up in the clouds to clear my mind, what an incredible week it has been!#BankofDave @NetflixUKhttps://t.co/8p6QrB0fTH pic.twitter.com/ocCM4QmEm0
— Bank on Dave (@FishwickDavid) January 22, 2023
Тој ќе го подари своето богатство
Неговото богатство се проценува на околу 500 милиони долари, но милионерот изјавил дека нема намера да им остави пари на своите деца.
Наместо тоа, тој одлучил да донира 99% од своето богатство за да ги задржи своите деца мотивирани за работа, додавајќи дека не сака да ги „оптоварува“ со своето богатство.
„Важно е децата да работат напорно затоа што сум видел многу луѓе кои станале успешни и богати и ги разгалуваат своите деца, кои воопшто немаат разбирање за пари“, објаснил тој и додал: „Ќе дадам 99% од моето богатство кога ќе умрам, било која недела или година“.
Важноста на работната етика
Фисвик додал дека еднаш работел на три работни места, што развило извонредна работна етика која сака да ја пренесе на своите деца.
„Важно е да имате работна етика и мислам дека напорната работа ве става таму каде што среќата ќе ве најде. Моите деца не секогаш се согласуваат со тоа, но тие се добри деца“, споделил тој.
Фото: Принтскрин/YouTube/Facebook
