ekran платформа за слободоумни
Познатиот лондонски музеј „Мадам Тисо“ ги издвоил восочните фигури на принцот Хари и неговата сопруга Меган од други членови на кралското семејство, како одговор на соопштението на парот дека се повлекува од кралските должности.
Музејот „Мадам Тисо“, кој изложува повеќе од 250. восочни фигури на познати личности, објавил дека принцот Хари и Меган ќе бидат сместени во посебна област и повеќе нема да бидат со кралицата Елизабета, принцот Филип и Чарлс, како и принцот Вилијам и неговата сопругата Кејт, пренесува Ројтерс.
„Заедно со остатокот од светот, ние реагираме на изненадувачката вест дека војводата и војвотката од Сасекс се повлекуваат од кралските должности“, рекол генералниот директор Стив Дејвис.
Повлекувањето на принцот Хари и неговата сопруга Меган од кралските должности е главната вест во британскиот печат, во кои се вели дека ниту кралицата Елизабета не била информирана за одлуката.
По моделот на Брегзит, повлекувањето на војводската двојка медиумите го нарекле „Мегзит“.
Кралското семејство е „повредено и разочарано“ од одлуката, јавува Би-Би-Си, во кое се наведува дека Хари и Меган не се консултирале со ниту еден член на кралското семејство.
Во кратка реакција, Бакингемската палата посочила дека ја разбира нивната желба за поинаков пристап, но дека за „комплицираните теми“ треба време.
„Тие дури и не и кажаа на кралицата“, пишува Daily Mirror, повикувајќи се на неименуван извор кој додава дека парот покажал тотално непочитување кон кралското семејство.
#Megxit was trending after Prince Harry and Meghan, the Duchess of Sussex, announced they would be stepping back from their roles as senior members of the British royal family and begin working towards financial independence https://t.co/jKaRO9QrdY
— CNN International (@cnni) January 9, 2020
Има повеќе прашања отколку одговори, пишува Би-Би-Си, наведувајќи некои од нив: каква нова улога ќе имаат Хари и Меган, каква врска ќе имаат со остатокот од кралското семејство, каде ќе живеат, што ќе прават, кој ќе се грижи за нивната безбедност …
Некои можеби ова го гледаат како опаѓање на монархијата во 21. век, но од друга страна, Меган и Хари допреле до луѓе на кои ниту еден член на кралското семејство досега стаса а и ја освежиле институцијата.
Британскиот таблоид „Сан“ на насловната страница наведува дека кралицата е „длабоко потресена“ и дека заминувањето на Хари и Меган предизвикува „граѓанска војна“ во семејството.
Everyone, please hide this photo. Ginge and Cringe are too delicate to see it. #megxit pic.twitter.com/NpKBmgXuUU
— Bᴀɴᴀɴᴀ Sᴄʀɪʙʙʟᴇʀ (@BananaScribbler) January 9, 2020
Се наведува дека причина за активирање на нивната одлука било неодамнешното објавување на фотографија на кралицата Елизабета Втора со трите најблиски наследници на престолот: најстариот син Чарлс, внукот Вилијам и правнукот Џорџ.
„Оваа слика е најјасен показател дека Хари и Меган не се сметаат за дел од иднината на оваа институција. Од нивна гледна точка, од тој момент, веќе нема смисла да бидат тука“, изјавил еден извор за „Сан“.
Хари е шестиот по ред за наследување на тронот – зад принцот Чарлс, принцот Вилијам и неговите три деца.
