ekran платформа за слободоумни
Иако наградите Златен глобус се зад нас, сè уште се зборува за таа вечер. Славниот актер Пирс Броснан и неговото семејство се најдоа во центарот на вниманието, а тоа особено важи за неговите синови, Дилан и Парис.
Парис и Дилан успеаа да привлечат големо внимание од медиумите и собраните познати личности. Двајцата биле избрани дури и како амбасадори на Златните глобуси,ги додавале наградите, но и добитниците ги придружувале при заминувањето од сцената. Токму оваа обврска, придонела за многу коментари за синовите на Броснан.
Дилан (23) и Парис (18) се синови на Пирс, од бракот со Кели Шеј Смит. Актерот секогаш истакнувал дека таа го спасила од пеколот што го доживеал по смртта на неговата прва сопруга Касандра Харис.
Дилан студира кинематографија, и досега се обидел да асистира зад камерата. Тој исто така е вклучен во музиката и кратко време бил во светот на моделингот. Сепак, неговиот брат Парис веќе е добро познато лице на модните писти, па бил ангажиран на ревиите на Балмејн, Москино, Ралф Лорен, Долче и Габана. Сепак, нему на прво место му е образованието и студира во Лос Ангелес.
Браќата исто така се активни во социјалните промени, заштитата на животната средина и борбата за човекови права. Парис дури снимил и документарец за проблемите на младите, како и филм со кој ги поканува младите да излезат на избори и да го дадат својот глас.
