(ВИДЕО+ФОТО) ГОЛЕМИ СТУДОВИ – Половина планета замрзната: Во САД автобуси се лизгаат на улиците, а снимката од Сибир ќе ве зачуди

Неверојатно видео од Јакутск на Сибир покажува дека дури и врели нудли можат да замрзнат за две минути на температури од 50 степени Целзиусови под нулата.

Русин свари тестенини и излегол на студеното време каде што стоел неколку минути, по што врелите нудли експресно се „скамениле“ од екстремниот студ.


Но, не е студено само на Сибир. Остра зима пристигна и во американската сојузна држава Минесота која е позната по студените зими и ниските температури. Во текот на викендот, јужните делови од оваа држава буквално се претвориле во мраз.
Температурите се спуштија под нулата, а тоа што е интересно е што времето е сепак потопло во овој регион од Америка од вообичаеното во оваа доба од годината.
Мразот се создава на тлото токму поради налетот на топлиот воздух, а на социјалните мрежи се појавија бројни видеа на кои може да се види како автобуси и автомобили неконтролирано се лизгаат на патиштата.


И тротоарите исто така се прекриени со мраз, па луѓето не мора да одат на лизгалиште, туку можат да се лизгаат и да се обидат да играат хокеј пред својот дом.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Промоција на романот „Победникот беше таа“ од Викторија Костадиновска

Вечерва во Збор Книжарница-кафе во Скопје, со почеток во 19:00 часот, ќе биде промовиран првиот …