Тејлор Хемфри од Њујорк е позната по тоа што заработува од нејзините „кумовски“ односи.
Оваа претприемачка има искуство во маркетинг и е фасцинирана од имињата на бебињата, а во 2015 година на памет и паднала конкретна идеја. Потоа започнала сопствен бизнис и отворила агенција за именување на бебиња. На агенцијата наречена „What’s In a Baby Name“ и оди повеќе од добро со години.
View this post on Instagram
Родителите кои не можат да одлучат за име на своето дете, контактираат со Тејлор за консултација. Цените на услугите варираат од желбата на родителите, почнувајќи од 1.500 долари за телефонска консултација и правење список со имиња до истражување на генеалогијата на родителите и изборот на името на наследникот според нивното мислење, кое чини дури 10.000 долари.
„Мојата работа е да предложам листа на сопствени имиња врз основа на прашалник што родителите треба да го пополнат за заедничките преференции, важните интимни настани… Така, едно бебе го добило името Паркс затоа што нејзините родители се бакнале за прв пат во градот Паркер“, објаснила Тејлор.
View this post on Instagram
Во текот на изминатата година, како што велиме во народот, речиси сто пати „била кума“, а заработила, како што вели, повеќе од 150.000 долари.
„Ми приоѓаат родители кои го чекаат своето трето или четврто дете и на кои очигледно им снемало идеи за имиња и едноставно се перфекционисти. Доколку не го изберат името што го понудив, бебињата често имаат две, од кои средното е обично мој избор“, истакнува Тејлор.
View this post on Instagram
Фото: Принтскрин/Instagram