ekran платформа за слободоумни
Палтата со овој крој доминираат на модната сцена, а принцезата избрала токму такво!
Принцот Вилијам и неговата поубава половина, Кејт Мидлтон, се придружија на толпата од над 20.000 фанови да им дадат поддршка на Бостон Селтикс на кошаркарски натпревар. Имено, омилениот пар на кралското семејство моментално е на американска турнеја, а дел од планираните активности беше и посета на стадионот „ТД Гарден“.
View this post on Instagram
За оваа прилика, сопружниците беа стилски феноменално вклопени. И двајцата се одлучија за тегет и сини нијанси. А судејќи по снимките, тие не ја симнале насмевката од лицето и одлично се забавувале, а не обрнувале ниту внимание на некои свирежи во салата кога спикерот ги претставил и ги покажал на големиот екран. Можат да се слушнат коментари дека Кејт никогаш не изгледала поубаво.
View this post on Instagram
Кејт блеснала во морнарско сако кое долго време е тотален хит, а и самата досега неколку пати го носела. Модел со ваков крој одлично ги истакнува струкот и рамената, а витката линија на принцезата уште повеќе доаѓа до израз. Бидејќи блејзерот има детали во црна нијанса, таа го споила со панталони и салонки во иста боја. Целиот изглед го заокружила со меки бранови и шминка, според што е препознатлива.
Од друга страна, принцот Вилијам се одлучил за спортска елеганција, но во слични бои кои ги носи неговата сопруга. Тој се појавил во безвременски темно син костум и кафени чевли, кои му дале посебна нота на целиот аутфит.
Фото: Принтскрин/Instagram
