ekran платформа за слободоумни
Архитектите Нина Толструп и Џек Мама ја реконструирале поранешната такси канцеларија од само 13. метри квадратни, земајќи инспирација од дизајнот на кампери и помали јахти.
Минијатурните станови од само неколку метри квадратни станаа секојдневие во бројни светски метрополи каде што трошоците за живот се високи, а побарувачката е исклучително висока.
Сепак, мал стан не мора да биде синоним за пренатрупан простор каде што не можете да се движите. Тоа го докажа архитектонското студио „Студиомама“, кое решило да реновира минијатурна еднокатна куќа во Ислингтон, северен Лондон, во удобно место за живеење.
Архитектите Нина Толструп и Џек Мама ја реконструирале поранешната такси канцеларија од само 13. метри квадратни, земајќи инспирација од дизајнот на кампери и помали јахти. Иако многумина веруваат дека ова е најмалата куќа во Лондон, сепак има место за бања со тоалет, кујна со трпезарија, спална соба, па дури и простор за работа и релаксација.
View this post on Instagram
Тајната се крие во мултифункционалниот мебел од иверица кој се прилагодува на потребите. Големиот гардеробер, на пример, крие кревет на преклоп кој може да се подигне и спушта по желба.
Трпезариската маса со клупа за две до четири лица може да се прошири и да се претвори во место за ручек за шест лица. Од плакарот можете да извлечете и стоечко биро, кујнска површина за сечкање зеленчук и клупа за истегнување на нозете по долг работен ден.
Ова место изгледа како пријатно место за живеење благодарение на големите прозорци кои пропуштаат многу дневна светлина, но и неутралните бои на мебелот.
Фото: Принтскрин/YouTube
