Златниот ретривер Арни живее во стан во Њујорк и поминува многу време гледајќи низ прозорецот. Неодамна, така, се сретнал со чистач на прозорци, а снимката од нивната средба станала вирална.
Имено, чистачот на прозорци дошол и до станот на Арни, а ова куче се израдувало на посетителот. Арни веднаш ја грабнал првата играчка и почнал гордо да ја покажува и мавта со опашката.
Човекот сфатил дека кучето е воодушевено, затоа го поздравил и продолжил да работи.
Видеото е објавено на Инстаграм профилот на ова весело куче, а на него наишол и чистачот на прозорци.
“Еј, тоа сум јас! Благодарам за снимката, кучето е одлично”, порачал мажот по име Рафаел.