КОГА мислите дека сте виделе се, TikTok ве разуверува. Еден маж е снимен како носи десетина кеси и лубеница на електричен скутер по купувањето. Видеото, очигледно, е снимено на паркингот на Волмарт, познат ланец на супермаркети во Америка и Канада, а на него се гледа како маж ги истоварува своите намирници во кеси од количка за пазарење, а потоа ги закачува на себе.
Човекот дошол целосно опремен за овој потфат, па има рефлектирачка јакна, ремен и куп карабинери закачени на него и носилка за бебиња за лубеницата. Тешко е да се прераскаже ова видео, најдобро е да го погледнете:
@jordanflomofficial Man picks up Groceries on Scooter! 🤣 #caughtoncamera #lifehacks #diy #diwhy #limescooters #dad #mom #funny ♬ original sound – Jordan Flom
Неговата снаодливост го привлекло вниманието на еден пар кој седел во автомобилот блиску до него и го снимил целиот потфат. Неколку луѓе го прашале дали му треба помош, вклучувајќи го и лицето кое го снимало, но тој рекол дека не му треба бидејќи истото тоа го правел секоја недела.
Видеото брзо стана вирално на TikTok со преку 61 милион прегледи и тони коментари. „Ова е најдоброто нешто што сум го видел! Секоја чест за тој снаодлив млад човек“, „Ова е генијалец“, „Целосна почит“, „Ова е дефиниција на изреката ‘кога има волја, има и начин’“ , се дел од коментарите.
Фото: Принтскрин/TikTok