Јирген Клоп, легендарниот тренер на фудбалскиот клуб Ливерпул, им посака добредојде на учесниците на Евровизија, што утревечер ќе започне во тој град, а ќе трае до сабота и големото финале.
Ливерпул ќе биде домаќин на Евровизија наместо Украина, која минатата година победи во Италија, но поради војната со Русија не може да го организира натпреварот и да гарантира безбедност.
Клоп жали за таквото сценарио, но тврди дека Ливерпул е идеалниот град домаќин.
„Ливерпул е дом на мене и на моето семејство многу години. А луѓето се едноставно прекрасни – топли, ведри и многу отворени и гостољубиви. Исто така, знам колку сериозно градот ја презеде одговорноста да приреди фантастично шоу во име на Украина. Дури и ако немате билети, се случува толку многу да уживате вие и вашите пријатели. Ќе биде неверојатно, без сомнение“, изјави Клоп во видео пораката.
Конечно, тој имаше посебна порака за Украинците, а го искористи и насловот на познатата химна на неговиот тим – „You’ll Never Walk Alone“.
„Луѓе на Украина, каде и да сте, сакам да знаете – Никогаш нема да одите сами“, рече Клоп, алудирајќи на фактот дека Украинците не се сами и дека поддршката доаѓа од сите страни.
View this post on Instagram
Фото: Принтскрин/Instagram