ekran платформа за слободоумни
Во најновиот случај на полициско убиство што ја потресува американската јавност, убиена е една млада, Афроамериканка Ататјана Џеферсон, во нејзината спална соба.
Ататјана (28) живеела во дом во Форт Ворт, Тексас, а полицијата била повикана од загрижена сосетка која ја видела вратата на нејзиниот дом во текот на ноќта е отворена. За да работите бидат полоши, Ататјана живеела со својата 8-годишна сестра, која според извештаите на медиумите била со неа во собата кога била убиена.
Полицијата објавила видео снимено со камера која полицаецот ја носел на себе, во кое се гледа дека полицаецот, за кого во локалните медиуми се истакнува дека е белец, пукал во Ататијана само неколку секунди откако ја видел.
Во многу кратко растојание, ја видел Ататијана низ прозорецот,и наредил да ги крене рацете во воздух и пукал.
На снимката е прикажана и полицијата која го претресува дворот околу куќата, по што забележале човечка фигура која стои зад прозорецот. Службеникот прво наредил лицето да ги крене рацете во воздухот, а потоа испукал куршум низ стаклото од прозорецот.
POLICE SHOOTING: A Fort Worth officer's body camera was rolling when he opened fire at a woman inside her home early Saturday morning, killing her.
Story: https://t.co/X4eZyaTW2b pic.twitter.com/X3BlSveZUI
— NBC DFW (@NBCDFW) October 12, 2019
Полицијата на Форт Ворт соопштила дека полицаецот „забележал закана“ во моментот кога извадил пиштол. Тој е суспендиран и истрагата за инцидентот е во тек.
Соседите на Ататјана, кои зборуваат за овој студент по медицина само најубаво, свикале прес-конференција, потенцирајќи дека во видеото се гледа дека се направени многу грешки и инцидентот го нарекуваат убиство.
Меѓу нив е и очајниот сосед кој повикал полиција.
„Само сакав да се уверам дека се е во ред … Подобро да ја повикав лично на телефон… сега ќе беше жива“, рекол тој.
A Fort Worth police officer was checking out a residence with an open door then opened fire through a window, killing the homeowner inside. There’s outrage in the community following the shooting.@KathyParkNBC reports: https://t.co/QbnJ7SkKwb
— NBC Nightly News with Lester Holt (@NBCNightlyNews) October 12, 2019
Меѓутоа, случајот со Ататјана предизвикал бес низ целата земја, не само во нејзиното соседство, а граѓаните посочуваат дека ваквите „инциденти“ веќе многу често се случуваат.
На видеото се гледа и оружје пронајдено во домот во нејзината спална соба, соопштила полицијата. Сепак, не е познато дали убиената Ататијана држела оружје во моментот кога офицерот пукал.
Инаку, во Тексас е законско поседување на оружје за секој над 18 години.
Екран.мк/BBC
Фото: Facebook/Atatiana Jefferson
