ekran платформа за слободоумни
ДиЏеј Авици починал во петокот, во Оман, каде бил на одмор со пријателите. Причината за смртта не е позната, но полицијата објавила дека немало никакви криминални сомневања.
Ожалостеното семејство на Авици во текот на викендот пристигнало во Оман каде престојувал диџејот кој починал во петокот, а обожавателите од моментот кога ја слушнале тажната вест на разни начини му оддават почест. Така во саботата на еден од главните плоштади во Стокхолм се собрале илјадници фанови кои ги пееле неговите песни и танцувале на неговите хитови.
Една занимливост пристигнува од Холандија. На социјалните мрежи се појавиле снимки на кои ѕвоната од највисоката црква која се наоѓа во Утрехт ѕвонеле во ритамот на неговите најголеми хитови, „Hey brother“, „Wake Me Up“,„The nights“.
Причината за смртта на омилениот шведски ДиЏеј сеуште не е позната, но полицијата објавила дека нема никакви криминални сомневања.
Диџејот со години се борел со здравствени проблеми кои започнале во јануари 2012. година кога поради акутно воспалување на панкреасот минал 11. дена во болница. Болеста која го држела прикован за кревет се јавила како последица од прекумерно конзумирање на алкохолни пијалоци.
