(ВИДЕО) Светот не е сигурно место: Арнолд Шварценегер нападнат од грб во Јужна Африка

„Ви благодарам што се грижите, но нема причина за тоа. Мислев дека толпата ме повлече, што често се случува…“

Американскиот актер, Арнолд Шварценегер, бил нападнат за време на јавен настан во Јоханесбург.

На видеото објавено од медиумската платформа еNCA, се гледа како 71.годишниот Шварценегер стои и се снима на спортски настан во Јоханесбург, кога одеднаш еден човек го удира одзади со нога во грб. Актерот паѓа, а обезбедувањето веднаш го фатило напаѓачот.

Make sure to tune into my @Snapchat to see all 90 sports we have here at the @ArnoldSports Africa! Fitness is for everyone. pic.twitter.com/bNjSTQS9Aj

— Arnold (@Schwarzenegger) May 18, 2019

Набргу потоа, актерот насмевнат повторно се ракува со посетителите, а локацијата ја напушта во придружба на обезбедувањето.

„Ви благодарам што се грижите, но нема причина за тоа. Мислев дека толпата ме повлече, што често се случува. Сфатив дека бев удрен дури кога ја видов снимката. Мило ми е што тој идиот не го прекина мојот снепчет“, напиша Шварценегер на Твитер во врска со инцидентот.

За среќа Шарценегер не бил посериозно повреден при нападот, а неговите претставници рекле дека подоцна дури и се смеел.
Не се познати причините за нападот.