Жителите на Владивосток деновиве ја тестираат својата издржливост пред налетот на ветерот што дувал дури 136. километри на час, како што објавија руските метеоролози.
Прво, врнел дожд и замрзнал на земјата, по што улиците се претвориле во лизгалиште, а многу силен ветер само ги зголемил страдањата на граѓаните од овој руски град.
Ударите на ветерот биле толку силни што се движеле дури и паркираните автомобили, а надлежните служби имале полни раце работа. Покрај тоа, возачите на мразот не можеле ни да возат, туку главно се лизгале.
На едно видео, забележано е дека бројни монтажни објекти се срушиле врз возилата.
Материјалната штета сè уште не е проценета, но познато е дека најмалку 60. граѓани побарале лекарска помош поради бројни повреди на мразот.
Фото: Принтскрин/Youtube