Македонската поп дива денес слави округол роденден…
Кога ќе се спомне нејзиното име веднаш се става знакот на еднаквост за исклучителен вокал кој многупати е докажан и’ во Македонија и странство…
Каролина Гочева е родена на 28. април 1980. во Битола. Таа два пати ја претставуваше Македонија на Изборот за песна на Евровизија. Во 2002. година во Талин, Естонија, настапи со песната „Од нас зависи“ и се пласираше на 19. место. Во 2007. година во Хелсинки, Финска, настапи со песната „Мојот свет“, пласирајќи се како 9-та во полуфиналето, а како 14-та во финалето.
Сега, како и повеќето граѓани во нашата земја, таа седи дома во изолација, но пејачката повторно беше инспиративна за нејзиниот сопруг, овојпат активно вршејќи ги домашните обврски.
Михаил ја нацртал како става садови во машината за садови, а таа ја објави фотографијата на Инстаграм со описот: „Домаќинка во сабота навечер“.
Каролина Гочева имаше многу забележителни настапи но и концерти…