Скоро еден милион луѓе побрзале во полските кино сали, последните три дена, за да го гледаат филмот кој католичките свештеници не ги прикажува во убаво светло, објавил дистрибутерот на филмот.
„Клер“ е црна драма за тројца свештеници кои пијат, финансиски ги искористуваат верниците и се исмејуваат со црквата. Еден од нив сексуално злоставува слепо дете.
Филмот за само три дена го погледнале 935.000 луѓе.
„Ова е најдобро остварување во последните 30. години во полските кина. Филмот го гледале сто илјади повеќе луѓе отколку ’50. нијанси сива’, во истиот период“, објавил дистрибутерот „Kino Swiat“.
Филмот на режисерот Војчиш Сварзовски предизвикал големи полемики во Полска.
Неколку членови на владеачката партија „Право и правда“ (ПИП) повикале филмот да се
забрани. Член на канцеларијата на полскиот претседател, Павел Солох, не го гледал филмот, но тоа не го спречило да изјави дека е снимен онака како што „нацистите снимале филмови за Евреите“.
Јан Бодаковски, член на здружението на католичките новинари, „Клер“ го нарекол „тешка
антисвештеничка пропаганда“.
Филмскиот критичар Јануш Вроблевски рекол дека ниту еден режисер пред Сварзовски не се осмелил да прикаже така критичка слика на Црквата во Полска.
Сварзовски „ги осудува сите главни црковни гревови кон педофилијата, проневерите и општо деморализираната хиерархија“, додал Вроблевски.
Иако бројот на верниците опаѓа, Полска и понатаму е една од најрелигиозните европски земји, во која Црквата има големо општествено и политичко влијание.