(ВИДЕО) Револтиран Британец го нападнал Чарлс: „Едвај си ги грееме домовите а мораме да плаќаме за твојата парада!“

Кралот Чарлс III. вчера во Кардиф ја поздравуваше јавноста кога маж од публиката вербално го нападнал, мислејќи на актуелната економска криза која го погодува британскиот народ. Додека новиот крал ги поздравувал луѓето ракувајќи се со нив, еден човек сакал да го знае неговото мислење за зголемените трошоци за греење и парите што британските даночни обврзници ги трошат за кралското семејство.

Економската криза во британските домови
„Додека се бориме да ги загрееме домовите, мораме да плаќаме за вашата парада. Даночните обврзници плаќаат 100 милиони фунти за вас, зошто?“, прашал тој.

Кралот Чарлс промрморел нешто како „сигурно“ и брзо ја свртел главата и продолжил да се ракува со другите.
Пред посетата на Чарлс на Велс, велшкиот прв министер Марк Дрејкфорд рекол дека антимонархистите имаат право да протестираат се додека се воздржани.
Ова не е прв инцидент од ваков вид. Пред само неколку дена, за време на поворката што го носеше ковчегот со телото на кралицата Елизабета до катедралата во Единбург, млад човек од публиката му викаше на принцот Ендру дека е „стар болен“, а полицијата го привела и му поднела кривична пријава за нарушување на јавниот ред и мир.

Фото: Принтскрин/YouTube