Боб Вајтон, најстариот човек на светот според Гинисовата книга на рекорди, починал вчера на 112-годишна возраст во неговиот стан во Хемпшир, Велика Британија.
Неговото семејство потврдило дека тој починал, а тие исто така рекле дека се борел против карцином.
„Тој почина мирно, во сон, додека спиеше во неговиот стан, каде што живееше сам“, велат членовите на семејството.
Поранешниот учител и инженер од Алтон, Хемпшир, е роден на 29. март 1908. година, а титулата најстар човек на светот ја презеде во февруари, кога почина неговиот претходник Читсу Ватанабе од Јапонија. Вајтон ги преживеа двете светски војни, шпанскиот грип, како и создавањето и падот на Советскиот Сојуз.
Думитру Команеску од Романија сега е најстариот човек на светот и има 111 години и 202 дена.