ekran платформа за слободоумни
Нови снимки од снимањето на „It Ends With Us“ би можеле на голем начин да ја променат правната битка меѓу Блејк Лавли и Џастин Балдони.
Имено, Балдони, кој беше режисер и главен актер во филмот, изјавил дека ова снимање ги доведува во прашање претходните изјави дадени од Лавли во тужбата против него.
View this post on Instagram
Според судските записи, тимот на Балдони доставил до судот избришана сцена во која Лавли е видена како импровизира бакнеж за време на снимањето, иако во своите обвинувања навела дека импровизацијата на интимните сцени била дел од сексуалното вознемирување на кое била подложена на снимањето, пишува TMZ.
Снимката е снимена во мај 2023 година и ја прикажува Лавли како му се приближува на Балдони во болнички ходник, го фаќа за рацете и го бакнува. Адвокатскиот тим на Балдони тврди дека моментот не бил дел од сценариото и дека самата актерка го додала.
Во декември 2024 година, Блејк Лавли поднесе тужба против Балдони, обвинувајќи го за сексуално вознемирување, одмаздољубиво однесување и намерно нанесување емоционална повреда. Балдони категорично ги отфрли сите обвинувања.
Во тужбата, таа навела дека по враќањето на снимањето во јануари 2024 година, јасно побарала нови правила за снимање, вклучително и дека повеќе не смее да има импровизирани бакнежи. Балдони се обидел да ги тужи Лавли, Рајан Рејнолдс и „New York Times“ во јануари 2024 година, но тужбата подоцна беше отфрлена.
Следното судење во случајот помеѓу Блејк Лавли и Џастин Балдони е закажано за 9 март 2026 година.
Фото: Принтскрин/YouTube
