ekran платформа за слободоумни
Еден човек го донесе својот часовник Ролекс во шоуто „Антиквитети“ за да ја открие неговата сегашна вредност. Тој часовникот го купил во 1974 година за само 345,97 долари. Кога му ја кажале неговата сегашна вредност, неговата реакција била непроценлива.
Поточно, кога му било кажано дека неговиот часовник сега вреди 400.000 долари, човекот паднал на земја. Но, проценителот не завршил. Поради неговата недопрена состојба, часовникот се проценува дека вреди 500.000 па и 700.000 американски долари, јавува Си-Ен-Ен.
Станува збор за часовник Rolex Oyster, број 6263. Сопственикот на часовникот рече дека купил Rolex затоа што слушнал дека е добар за нуркање. Како и да е, уште од 1974 година, за него тој дал цела месечна плата со попуст од 10 проценти, па тој заклучил дека часовникот е премногу убав за да биде во солена вода.
What causes this guy to lose it on @RoadshowPBS?!
Monday at 8 pm on #VermontPBS. pic.twitter.com/O8VpwVzuQl
— Vermont PBS (@VermontPBS) January 26, 2020
Наместо тоа, тој го чувал часовникот во сеф речиси 40 .години. Не само што часовникот бил во совршена состојба, туку сопственикот поседувал и оригинални гарантни документи, оригинална брошура на Rolex, две сметки и две оригинални кутии во кои бил спакуван часовникот Rolex.
„Ова е феноменален изум. Тој е еден од најретките модели и не мислам дека има некој кој е во подобра состојба“, рекол проценителот Питер Планес.
Продуцентите на шоуто рекле дека по првпат имаат толку вредна ставка.
