Камерата пред куќата во Лос Ангелес го открила шокантниот чин на американска работничка за поштенски услуги (USPS).
Поточно, поштарката со солзавец го нападнала кучето кое дошло до оградата кога таа ја оставала поштата. Видеото налутило многумина на социјалните медиуми затоа што не можеле да разберат што погрешно направило кучето.
Кога сопственикот на кучето го видел видеото, едноставно збеснал. Неговото милениче со четири нозе, Коко, е пријателско со сите, па со самото тоа и чинот на жената е целосно неприфатлив.
Снимката е направена пред неколку месеци и иако поштарката се извинила на сопственикот на кучето, таа во меѓувреме ја загубила работата.
Корисниците на социјалните медиуми, сепак, продолжуваат да бараат остра казна за неа затоа што го нападнала пријателски настроеното куче на толку суров начин.