(ВИДЕО) Полициско Ламборџини превезува бубрег за трансплантација

Брзината во функција на спасување живот.
Полициското Ламборџини Хуракан пристигнало од Падова до Рим за помалку од три часа, со просечна брзина од 230км/ч.
Италијанската полиција веќе неколку години во својата флота има Ламборџини Хуракан, што можеби на прв поглед делува како непотребно, но оваа вест го потврдува спротивното.
Моќниот автомобил со V10 мотор кој произведува 610 коњски сили се користи за специјални задачи, а една од нив е токму оваа, која е реализирана на 5. ноември.
Тогаш полицајците добиле задача со Ламборџинито да транспортираат бубрег за трансплантација од Падова до Рим.
Здравствените работници процениле дека најдобар начин за транспорт е токму во брзиот полициски автомобил. Инаку овој Хуракан има фрижидер и дефибрилатор во багажникот во предниот дел од возилото.
Патувањето од Падова до Рим обично трае пет часа, но полицискиот тим пристигнал за помалку од три часа, со просечна брзина од 230 км/ч.