ekran платформа за слободоумни
Јадење што потполно ќе ве освои, и феноменален предлог за ручек без месо …
Денешниот предлог од кујната на баба ќе ве собори од нозе. Подгответе тиквички на сосема нов начин. Колку се здрави, се знае одамна, а колку можат да бидат вкусни, ќе дознаете ако го пробате овој рецепт. Уживајте!
Потребно е:
2 млади тиквички
половина чаша од 100 гр. брашно за леб
половина чаша лебни трошки
половина чаша пченкарно брашно
1 лажичка мелен црвен пипер
3 лажици рендан кашкавал
3 чешниња лук
3 јајца
50 гр меко сирење
1 лажица павлака
сол
сусам
магдонос
малку масло за премачкување на тавата
Подготовка: Излупете ги тиквичките, и исечете ја на тенки кришки и насолете. Измешајте и оставете 15 мин. Исцедете ја течноста и додадете го пасираниот лук.
Во сад каде што има сирење и павлака, додадете јајца и кашкавал и измешајте сè со жица за да добиете густа маса. Можете да додадете малку сол.
Измешајте ги брашната со лебните трошки и црвен пипер. Потопете го листот од тиквички во јајцата, а потоа повторно во мешавината со брашна па пак во јајцата и уште еднаш во брашната. Тавата намастете ја со масло и наредете ги тиквички. Истурете ги преостанатите јајца над тиквичките и наросете сечкан магдонос.
Одозгора може да ставите сусам, доколку сакате. Печете на 210 степени околу 30 минути.
Фото: Принтскрин/Youtube/Bakina kuhinja
