ekran платформа за слободоумни
30. години јубилеј, во оваа 2018.тта прославуваат легендарните битолчани „Оркестар Маестрал“. Од првиот ден, до сега, тие функционираат во ист состав, освен еден член, првиот тапанар, Тони Шопески, кој ја напуштил групата поради селидба во Австралија.
Оваа прекрасна битолска музичка приказна, годинава ќе биде прославена на 1. Август, а подготовките се веќе во полн ек.
„Годинава славиме јубилеј, а тоа богами не е мала бројка. 30. години да создаваш музика и да останеш доследен на своето, само покажува со каква љубов и пристапуваме на музиката и со каква почит ја гледаме нашата публика. Јубилејот е премногу значаен момент за нас од повеќе аспекти, па затоа уште отсега течат подготовките“, велат од групата.
Неодамна Маестрал се вратија од едномесечна турнеја во Америка, организирана од управата на црквата „Успение на Пресвета Богородица“ од Колумбос, Охајо.
„Голема благодарност до управата на црквата за гостопримливоста и организацијата на сите концерти кои се одржаа за време на нашата турнеја“ велат од „Маестрал“.
