(ВИДЕО) Направил хаос на бензинска пумпа: На 1. април поделил над 26.000 литри бензин

ОТКАКО „April Fools Day“ го преименувал во „April Fuels Day“, тој направил стотина метри долга колона пред бензинската пумпа.
Ерни Бох Џуниор. наместо првоаприлска шега, организирал акција во која во текот на денот ќе подели дури 7.000 галони бензин, што е околу 26.500 литри, на сите што ќе му се придружат во текот на денот на шегата. Тој на својот Фејсбук профил го објави својот „ден на бензинот“ и ветил дека ќе донира гориво во вредност од над 30.000 долари.
Американците, секако, полуделе по бесплатен бензин, па целата планирана сума била поделена за само два часа. За да биде подобро, првите возачи се наредиле веднаш по објавувањето, околу 21. часот и 30 минути и чекале цела ноќ откако до отворањето на бензинската пумпа.
Изненаден што се појавиле значително повеќе од планираните 400. возачи, Бох решил да ја продолжи акцијата за сите што пристигнаа од подалечни места за да ги наполнат автомобилите.


„Никогаш не сум доживеал вакво нешто, ова е совршено, совршено“, рекол Патрик Хејнс, еден од среќниците што добиле полн резервоар гориво. „Бензинот буквално го јаде паричникот на сите, вклучително и мојот, и мислам дека ова ги врати сите пари што ги потрошивме за поскапо гориво“, изјавил Хејнс за локална ТВ станица.
Америка се соочува со драстично поскапување на горивата. Цената за галон моментално е 4,06 американски долари, или помалку од 1 долар за литар (1 галон = 4,546 литри). Во изминатата недела цената на литар гориво поскапе нешто помалку од 8 денари, но и за речиси 12 денари во однос на месецот претходно.
Во Масачусетс, каде што се наоѓа „среќната бензинска пумпа“, цената веќе се приближи до границата од 66. денари за литар. Цените на горивата толку поскапеа што и во Америка се почести се кражбите на гориво од паркираните автомобили.
„Наполнив гориво во автомобилот на еден пријател и бројачот покажа 107 долари. 107 долари за полнење на автомобилот, така што тоа не е нормално. Затоа мислев дека треба да направам нешто и така настана ‘Денот на горивата во април’“, објаснил Бох како дошло до оваа интересна акција за помош на локалната заедница.

Фото: Ernie Boch (Facebook)


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

„Хармонија“ концерт на македонската филхармонија со маестро Мануел Хернандез – Силва и солистот Драган Ѓорѓевиќ

Во четврток, на 22 февруари 2024 година, во Македонската Филхармонија, со почеток во 20:00 часот, …