НА YOUTUBE, туторијалките за шминка, снимени од најпознатите светски топ модели стануваат сè попопуларни. Супермоделот Ирина Шајк сними еден за „Вог“, а нејзината рутина за шминка ги изненади луѓето од целиот свет.
Додека блогерите за убавина на лицето ставаат, на пример,течни пудри, коректори, хајлајтери и многу други препарати, Ирина Шајк се шминкала со прстите и користела само неколку капки течна пудра што ја нанесува само на одредени делови од лицето.
Светски познатата манекенка и една од најубавите жени во светот не користи ниту дел од она што е дел од рутината на многу девојки кога се шминкаат и вели дека помалку е повеќе и дека жените мора да носат шминка, а не шминката нив.
Во коментарите под видеото на Јутјуб, многумина не го криеја своето воодушевување за рутината за шминкање на Ирина.
„Нејзината тајна за добра шминка е едноставно дека е најубава на светот и без тоа“, се пошегуваа нејзините обожаватели.