На синоќешното издание на МАС2020, статуетката за признанието за најдобра поп песна, во конкуренција помеѓу познати балкански изведувачи,Тропико бенд, Наташа Беквалац, Антонија Шола, Илма Карахмет и Лексингтон бенд, наградата ја доби нашиот македонски пејач Влатко Лозановски.
Нашиот познат изведувач, беше претставен дека доаѓа од Северна Македонија, но веднаш по неговото излегување на сцената Влатко Лозановски изјави:
“Мило ми е што ми ја доделивте наградата МАС2020 за најдобра поп песна, инаку ‘Мајко’ ми е омилена песна. Пред се да ве поправам, јас доаѓам од Македонија, а не од таа земја што ја спомнавте со додаток”.
Тој воедно се извини што зборува на македонски јазик, а не на српски.
Лозановски наградата ја доби за песната “Мајко”, а за него гласаа од цел регион.