ekran платформа за слободоумни
„Каква акција, без страв, без лутење, без чувства. Едноставно ѝ покажала на кобрата каде ѝ е местото“
Една баба од Индија станала хит на интернет откако на социјалните мрежи се проширила снимка на која фаќа змија за опашката и со одлучни чекори ја носи подалеку од децата кои си играле на улицата.
Видеото на Твитер го споделил Сиданта Нанда, вработен во „Indian Forrest Service“, кој навел дека станува збор за кобра, а прегледано е 210.000 пати.
„Бабо, ова не е начин да се ослободиш од кобрата“, напишал покрај видеото.
Grandma that’s not the way to treat a COBRA😳 pic.twitter.com/RkQg8gdBQk
— Susanta Nanda IFS (@susantananda3) May 26, 2020
Снимката брзо почнала да се споделува на социјалните мрежи. Некои се восхитуваат на нејзината храброст, а некои заклучиле дека е добро што не ја убила.
„Мора кобрата многу да се збунила, бидејќи досега мислела дека сите се плашат од неа“, „Ѝ се восхитувам на храброста“, „Каква акција, без страв, без лутење, без чувства. Едноставно ѝ покажала на кобрата каде ѝ е местото“, „Можеби ова не бил правиот начин да се ослободи од неа, но луѓето главно ги убиваат. Мислам дека ова е најдоброто што можела да го направи“, биле дел од коментарите под видеото.
