(ВИДЕО) Камера снимила хорор: Невнимателен возач удрил работник на патот – несреќниот човек одлета во воздух!

На интернет се појави вознемирувачко видео од автопат во Јужна Африка на кое може да се види како автомобил покоси работник на патот.

Несреќата се случи на автопат во близина на Грабоу, недалеку од Кејптаун, а 32-годишниот работник, иако за среќа го преживеа ударот, сепак Ксолеле Финдела претрпел тешки повреди.

Полицијата отворила истрага против возачот кој што возел со околу 100 километри на час, на делница каде што брзината била ограничена на 80 километри на час. Невнимателниот возач го покоси работникот, а за целата ситуација да биде уште полоша, тој не го сопрел автомобилот после ударот.

Несреќата била снимена од камера на автомобилот на брачен пар.

„Беше ужасно. Плачевме, а нашите деца ни велеа да си заминеме од таму што е можно побрзо“, изјави мајката Елри за тамошните медиуми.