Истрагата на ФБИ покажала дека Алек Болдвин го повлекол чкрапалото на пиштолот што ја уби снимателката на сетот на филмот „Rust“.
Болдвин случајно ја застрелал Халина Хачинс за време на снимањето на филмот во октомври 2021. година, но тврдел дека тој всушност не го повлекол чкрапалото. Сепак, новата форензичка истрага на ФБИ вели дека куршумите не можеле да бидат испукани од оружјето без физички да се повлече чкрапалото, пишува Sky News.
„Пиштолот не можел да испука без повлекување на чкрапалото“, се вели во извештајот.
„Начинот на смрт е несреќен случај“
Во извештајот за смртта на снимателката се вели дека е окарактеризирана како „несреќен случај“.
„Смртта е предизвикана од прострелна рана во градниот кош. Прегледот на достапните извештаи за спроведување на законот не покажаа убедливи докази дека огненото оружје намерно било наполнето со муниција во моментот на пукањето“, се вели во извештајот.
„Врз основа на сите достапни информации, вклучително и отсуството на очигледна намера да се предизвика повреда или смрт, начинот на смрт најдобро е да се класифицира како несреќа“, се заклучува.
Актерот, кој беше и продуцент на филмот, претходно изјави дека не го повлекол чкрапалото и дека нема поим како вистинскиот куршум завршил на снимањето. Властите, исто така, ги обвинија продуцентите на филмот за кршење на безбедносните протоколи и ги казнија со 136.793 долари.
Police interview footage shows the moment Alec Baldwin put his hand over his mouth and sat in silence after being told Halyna Hutchins had died after being shot on the set of Rust.
Read more: https://t.co/eFt5dOtD1l pic.twitter.com/WfwF3VZlCo
— Sky News (@SkyNews) April 27, 2022
Фото: Архива