Некои од најбогатите луѓе во светот не сакаат да остават милиони долари како наследство на своите деца, бидејќи веруваат дека тоа ќе им нанесе повеќе штета отколку корист.
Така американската кантавторка и успешна претприемачка Мери Осмонд решила да ги „отфрли“ своите седум деца. Осмонд се прослави на Бродвеј, изгради респектабилна пејачка кариера, го водеше естрадното шоу „Donny & Marie“ со нејзиниот брат Доналд Осмонд, беше и ко-водител на телевизиското шоу „The Talk“ и заработи најмногу од нејзиното богатство (околу 20 милиони долари) создавајќи линија на детски кукли, линии на машини за везење и шиење.
„Искрено, зошто би му оневозможиле на вашето дете да се обиде да биде некој? Не познавам никој што станал било што во животот ако само му дадете пари“, ја објаснила својата одлука Осмонд во неодамнешното интервју за Us Weekly.
„Мислам дека наследството ги прави децата пасивни и мрзливи. Напорно работев и сето тоа ќе го потрошам, ќе се забавувам со сопругот. Мислам дека им правиме голема штета на нашите деца давајќи им богатство бидејќи им го одземаме најважниот подарок што можеш да им го дадеш, а тоа е способност за работа“, изјавила еднаш Осмонд, чиј син Мајкл изврши самоубиство во 2010 година на 18-годишна возраст, а наводно бил зависник од дрога.
View this post on Instagram
Таа додала дека во богатите семејства често наидува на ситуација децата да не знаат што да прават и затоа запаѓаат во неволја. „Сакам моите деца да се гордеат со заработеното. Мојот имот ќе го дадам во добротворни цели“, рекла Озмонд.
Слично размислува и холивудскиот пар Ештон Качер и Мила Кунис. Тој е „тежок“ 200 милиони долари, таа има 75, но тие милиони не планираат да им ги препуштат на своите деца, откриле во подкастот „Armchair Expert“ на Дакс Шепард.
„Ние не создаваме богатство за децата, а по нашата смрт парите ќе ги дадеме во добротворни цели или за разни други работи. Ако нашите деца сакаат да започнат бизнис и да ни покажат добар бизнис план, ќе инвестираме во него, но тие нема да ги добијат парите само така“, објаснил Качер.
Британскиот актер Даниел Крег има две ќерки, едната од бракот со актерката Фиона Лаудон, а другата од бракот со Рејчел Вајс, но не планира да им остави пари иако неговото богатство се проценува на 160 милиони долари. Ќе плати за нивното врвно образование за да можат сами да ги заработат парите бидејќи ја презира идејата за наследство и верува дека секој треба да потроши се што ќе заработи во својот живот.
Музичкиот магнат Сајмон Кауел е дел од холивудскиот „нов бран“ родители кои не сакаат да ги уништат животите на своите деца со милиони долари „паднати од небо. Тој тврди дека децата треба да се сакаат, да поминувате што повеќе време со нив, па своите 600 милиони долари повеќе би сакал да ги донира на хуманитарни здруженија за помош на децата и животните.
Сопругата на основачот на Apple, покојниот Стив Џобс, Лорејн Пауел Џобс смета дека светот се менува со инвестирање во стартапи и компании со потенцијал да направат конкретна промена во создавањето на подобар свет, па наследените 11,5 милијарди долари нема да да бидат поделени меѓу нивните три деца: ќерките Ерин и Ив, синот Собс бидејќи и Стив би го сакал тоа.
Џобс има ќерка од поранешна врска, Лиза Бренан Џобс, која го докажа своето татковство на суд и законски има право на дел од наследството на неговиот татко. Меѓутоа, во интервју за „The New York Times “ изјавила дека својот дел ќе го донира во добротворни цели.
Фото: Архива